Slökkvilið Brunavarna A-Hún. hélt mánaðarlega æfingu í gær. Tekin voru fyrir grunatriði í slökkvistarfi, s.s. slökkvistarf utanhúss, slöngulögn og vatnsöflun. farið var yfir reykköfunarbúnað með nýjum mönnum. Einnig var farið að bænum Sauðanes þar sem vatnstaka var æfð, annarsvegar með Bedford-dælunni sem er aftan á Man og hinsvegar lausu dælunni sem slökkviliðið er með í láni frá Slökkviliði Akuryerar.

Ástæða þess að lausa dælan er hér á Blönduósi er vegna þess að dælan sem er aftan á einum slökkviliðsbílnum gaf sig fyrir skömmu og á meðan varahlutir berast til landsins hljóp Slökkvilið Akureyrar að sjálfsögðu undir og útveguðu búnað á meðan. Um er að ræða 1400 l., loftkælda VW dælu á kerru. Þrátt fyrir að vera kominn vel á aldur stóð hún sig vel og ljóst að það er hugsað vel um hana í Eyjafirðinum.

 

 

 

 

Myndir af æfingunni má sjá með því að smella hér