Eldur kom upp í húsi við Garðaveg á Hvammstanga í dag. Húsið var mannlaust þegar eldurinn kviknaði og að sögn slökkviliðsins á Blönduósi, sem kom á staðinn ásamt slökkviliðinu á Hvammstanga, urðu miklar skemmdir.

 

 

 

Jóhann K. Jóhannsson, slökkviliðsstjóri á Blönduósi, sagði við mbl.is, að mikill eldur og hiti hefðu verið inni í húsinu þegar að var komið. Slökkvistarf var nokkuð erfitt en langan tíma tók að slökkva í glæðum.

 

 

 

 

 

 

 

 

 

 

 

 

Ekki er vitað um eldsupptök en lögreglan á Blönduósi rannsakar málið.

 

Fréttir af málinu má lesa hér, hér og hér 

 

Heimild: www.mbl.is